Press Communique

Chief minister in Mizoram womens network meeting Hmanpui

Friday, May 29, 2015

Chief Minister Pu Lal Thanhawla chuan vawiin khan Hotel Regency-ah Manipur Women Gun Survivors Network leh Mizoram University Department of Public Administration tangkawp ina an buatsaih ‘Mizoram Women Network Meeting ‘ a hmanpui.

Chief Minister chuan he meeting-ah mi chhuanawm tak Manipur nula Bima Lakhsmi Nepram alo tel ve chu a lawmawm hle a ni a ti a. Bima Lakhsmi Nepram hi hmarchhak bial mipuite hruaitu, ralthuam tihbo duhtu leh sulsutu a ni a ti a, a hnathawh that avanga ram chhung leh khawvel huapa chawimawina engemawzah dawng tu kan zingah a tel hi kan vannei hle a ni a ti.

Chief Minister chuan meeting-ah hian kum 2000 a passed tawh, UN Security Council Resolution 1325 leh Convention on the Elimination of All Forms of Atrocities Against Women (CEDAW) chungchang in sawiho tur hi mipa leh hmeichhia te intluk tlan theihna tura hmalakna kawnga hmanraw remchang tak a ni a ti a. Hemi kawngah chuan Mizoramin hmabak a la ngah hle a ni a ti a. Tribal dangte ang bawkin Mizo hnamah pawh pipute hunlai atanga hmeichhia ten khawtlang rorelnaah nihna an chang pha ngailo a, kristian kan nih hnuah inthlak danglamna nasa tak a awm chungin, hmeichhiate chunga hleihlenna hi ala tam a ni a ti a. Hetiang thil duhawmlo a thlen lohna turin mipuite inzirtira, inhrilhhriatna tam zawk, vawiina meeting angte hi zau thei ang bera media hmanga thehdarh leh dan siam te a tul a ni tiin, Mizo hmeichhiate dinhmun chawikanna turin nikum 2014 khan The Mizo Marriage, Divorce & Inheritance of Property Act pawh kan passed a ni a ti.

Chief Minister chuan remna leh muanna zawnna kawngahte, hmasawnna tura hmalaknaahte hmeichhiaten hmun an chan ve ngei a duhsak thu sawiin, meeting chu hlawhtling taka kalpui turin duhsakna a hlan a ni.

Khualzahawm Pu L.R.Sailo, Special Officer, IIMC, Aizawl Centre pawhin thusawiin, chi leh chi inthliarna leh in en hranna avangin hmarchhak bial mite, abikin hmeichhiate chungah tharum thawhna leh hleihlenna India ram hmun hrang hrangah a thleng fo thin hi India khua leh tui nilo ah min hmuh vang niin a lang a, India mi dik tak kan nih hi an hriat a hun hle a ni a ti.

Meeting hian a tum ber chu UN Security Resolution 1325 in hmeichhiate dinhmun chawikana, remna leh muanna kawng dapnaah te leh hmasawnna tur ruahmanna kawngahte hmun an chan ve a, an thu ngaihthlak saka pawm sak anih theihna tura engtia hmalak tur nge tih sawiho a ni.

Meeting hi Prof.Lalneihzovi, Head of Public Administration, MZU in a kaihruai a. Nula Neha Naqvi, Project Coordinator, Welthungerhilfe (Germany) bakah MZU a Professor te an tel a ni.

Nula Bima Lakhsmi Nepram hi Manipur Women Gun Survivor’s Network dintu leh Control Arms Foundation of India a Secretary General nilai a ni.

Source: dipr.mizoram.gov.in


<< Back to Main Press Communique
photo of the week
Founder-Secretary General CAFI & Manipur Women Gun Survivors Network speaks at Plenary Intergenerational Dialogue #SDGs at @UN HQ 1 Aug @UNDPINGO

Founder-Secreta ry General CAFI...

more photos

Latest Report

Report on Book Launch Where are our Women in Decision Making?
- View Page 1
Book on India and Arms Trade Treaty
Book on
"India and Arms Trade Treaty"

view all


Northeast Folks: Less Indian - Bezbaruah Committee
The Long Path For Justice for Survivors of Sexual Violence in Conflict
mothers-bazaar.com